በጉራጌ ሀገረ ስብከት በምሁርና አክሊል ወረዳ ሥር የሚገኘው የሴባ አቡነ ተክለ ሃይማኖት ሕንፃ ቤተ ክርስቲያን በብፁዕ አቡነ መልከጸዴቅ ተባርኮ ቅዳሴ ቤቱ ተከበረ

በኢትዮጵያ ኦርቶዶክስ ተዋሕዶ ቤተ ክርስቲያን በጉራጌ ሀገረ ስብከት በምሁርና አክሊል ወረዳ ሥር የሚገኘው የሴባ አቡነ ተክለሃይማኖት ሕንፃ ቤተ ክርስቲያን በአዲስ አበባ እና ጉራጌ አህጉረ ስብከት ሊቀ ጳጳስ በብፁዕ አቡነ መልከ ጸዴቅ ተባርኮ ቅዳሴ ቤቱ ተከብሯል።

የሴባ አቡነ ተክለ ሃይማኖት ሕንፃ ቤተ ክርስቲያን መጋቢት 5 ቀን 2005 ዓ.ም መሠረተ ድንጋይ በወቅቱ የጉራጌና የሀድያ አህጉረ ስብከት ሊቀ ጳጳስ በነበሩት በብፁዕ አቡነ ቀለሜንጦስ ተቀምጦ ከ9 ዓመታት የግንባታ ቆይታ በኋላ እንደተጠናቀቀ ተገልጿል።

በሥነ ሥርዓቱ ላይ የአዲስ አበባ እና የጉራጌ አህጉረ ስብከት ሊቀ ጳጳስ ብፁዕ አቡነ መልከጼዴቅ የቅድስት ሥላሴ መንፈሳዊ ዩንቨርስቲ ምክትል ዲን ቀሲስ ዶ/ር መዝገቡ ካሣ፣የሀገረ ስብከቱና የወረዳ ቤተክህነቱ የሥራ ኃላፊዎች: የገዳማት እና የአድባራት፣የሰንበት ትምህርት ቤት ወጣቶች እና ምእመናን ተገኝተዋል ሲል የኢኦተቤ ቲቪ በፌስቡክ ገጹ አሳውቋል።

ዝርዝር መረጃውን ይዘን እንመለሳለን።

በመ/ር ሽፈራው እንደሻው

ለተጨማሪ መረጃ የሀገረ ስብከቱ ማኅበራዊ ድረ-ገጾችን ይጎብኙ:-

1. ድረ-ገጽ:- www.addisababa.eotc.org.et
2. ፌስ ቡክ ገጽ:- አዲስ አበባ ሀገረ ስብከት/Addis Ababa Diocese
3. ቴሌ ግራም ቻናል:- t.me/AddisAbabaDiocese

4.ትዊተር :-www.Twitter.com/AddisDiocese